සත්හඬ – අලුත්ම සති අන්ත පුවත්පත


Sathhanda Logo

Sathhanda Logo

සාමාන්‍යයෙන් අළුත් පත්තරයක් වෙළඳපොළට ආවම අඩුම තරමින් මුල්ම කලාපයවත් මිලදී ගැනීම මගේ පුරුද්දක්. සත්හඬ සති අන්ත ප්‍රවෘත්ති පත්‍රය නිකුත් වූ වහාම එහි මුල්ම කලාපය මිලදී ගත්තෙත් ඒ පුරුද්දට. ගොඩාක් බලාපොරොත්තු ඇතුව ගත්තත් ලිපි කිහිපයක් කියවීමෙන් පසු මගේ බලාපොරොත්තු සුන්වුණා කිව්වොත් නිවැරදියි. එහි කිසිම අළුත් දෙයක්, නැවුම් ගතියක් නැහැ. හැම සති අන්ත පත්තරයක්ම ලියන දේවල්ම පමණයි. සමහර විට ඉදිරියට අළුත් අංග හඳුන්වා දෙන්න බලාපොරොත්තුවක් තියෙන්නත් පුළුවන්.

සත්හඬ දැඩි මහින්ද විරෝධී ගතියක් පෙන්වනවා. කිසිම තැනක පවතින රජය විවේචනය වී නැහැ. ඒක සත්හඬ කණ්ඩායමේ අයිතියක් යැයි කෙනෙකුට කියන්න පුළුවන්. ඇමරිකා එක්සත් ජනපදයේ FOX රූපවාහිනී නාලිකාව ගත්තොත් එය කෙළින්ම රිපබ්ලිකන් පක්ෂයට පක්ෂපාතී බව කියන්න පුළුවන්. ඒ විදිහට ගත්තොත් සත්හඬට පවතින රජයට පක්ෂපාතී වීමට ශුද්ධ වූ අයිතියක් තියනවා යැයි කෙනෙකුට තර්ක කරන්න පුළුවන්. එත් මගේ පුද්ගලික මතයනම් එය පාඨකයන්ට කරන අසාධාරණයක් බවයි. පාඨකයා බලාපොරොත්තු වන්නේ අපක්ෂපාතී, විවේචනාත්මක, සත්‍ය ගවේෂණය කරන පුවත් පතක්.

සත්හඬේ තියෙන එකම හොඳ මම දකින්නේ එහි සාහිත්‍ය අතිරේකයෙයි. එය යම්කිසි ප්‍රශස්ත මට්ටමක තියෙනවා. සාහිත්‍ය ගැන අවබෝධයක් ඇති, සාහිත්‍ය රසවිඳින ජනමාධ්‍යවේදියකුගේ මග පෙන්වීමෙන් එම අංශය ක්‍රියාත්මක වෙනවා යැයි සිතන්නට පුළුවන්.
අන්තිමට කියන්න තියෙන්නේ සත්හඬ මැද මාවතේ ගමන් නොකර මේ විදිහටම දිගටම ගියොත්, පත්තරේ ආදායමින්ම පවතින්න අදහස් කරනවා නම් එයට මාස හයකට වඩා ආයුෂ තියෙයි කියලා හිතන්න අමාරුයි. හැබැයි ලාභ අපේක්ෂා නොකර මුදල් පොම්ප කරන්න පුද්ගලයෙකු හෝ කණ්ඩායමක් සිටිනවානම් ඊට වඩා කාලයක් පවතින්න පුළුවන්.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s