මිනිසාගේ සම්භවයේ මුල් අවධියේ සිටම ඔවුන් මත්වීමට කැමති බව සමාජ විද්‍යාඥයන් පෙන්වාදී තිබේ. ආදී මානවයන් මත්වීම සඳහා කුමන හෝ නිර්මාණාත්මක ක්‍රමයක් සොයාගෙන තිබේ. (මුලින්ම කැලෑවේ විල් වල එකතුවූ පල් වතුර බී වෙරි වූ ආදී මානවයා ගිනි තැපීමෙදී ගින්න පත්තු කරන සමහර බටයක් සහිත කෝටුවර්ග වලින් එන දුම බී එයින් සීතල නැතිවන බව සොයාගෙන ඇති බව මා කියවූ සමාජ විද්‍යා ග්‍රන්ථවල ලියවී තිබුණි. මේ උපකල්පනයන් බොහෝවිට සත්‍ය වීමට පුළුවන.)
මත්පැන් සම්පූර්ණයෙන්ම තහනම් කළහොත් වඩාත් සැර සහ සෞඛ්‍යට වඩාත් හානිකර කිසිම ප්‍රමිතියකට නොනිපවදන කසිප්පු (moonshine) නිෂ්පාදනය, බෙදාහැරීම සහ පරිභෝජනය වේගයෙන් ඉහළ යා හැකිය. 1990 දශකයෙන් එපිට ගම්වල සහ නගරවල එක සේ කසිප්පු නිෂ්පාදනය, බෙදා හැරීම සහ පරිභෝජනය කොතරම් සිදු වුනාදැයි සිහි කරගැනීම වටී. වරක් අපේ ගමේ ගම්වැසියන් 10ක් පමණ කසිප්පු විසවී එකවර මිය ගියේ කිසිම ප්‍රමිතියක් නොමැතිව අතට අසුවන ඕනෑම දෙයක්, එනම් කටු කම්බි, ගැරඬියන්, සීනි, පලතුරු, යූරියා වැනි රසායනික පොහොර, M 50 වැනි එකල භාවිතා කළ කෘමිනාශක යනාදී මෙකී නොකී හොඳ සහ නරක ද්‍රව්‍ය කසිප්පු නිෂ්පාදනයේදී යොදාගන්නා නිසාය.
කසිප්පු නිෂ්පාදනය
ඒ නිසා බියර්, වයින් හෝ දේශීයව නිපදවන රා මිල අඩුකර සුලභ කිරීම ප්‍රයෝගිකය. පෝයදාට බාර් වැසීම වැනි විසුළු වැඩ නවතා හානිය අඩු මත්පැන් නමැති අවශ්‍ය යක්ෂයා (necessary evil) ලිහා දැමීම අතිශයිම ප්‍රායෝගික හා බුද්ධි ගෝචර ක්‍රමයකි. එසේ නැතහොත් අධික සැර සහිත නීති ව්රොධී කසිප්පු නිපදවා පාරිභෝගිකයන්ද කල් තබා රෝහල් වලට සහ කනත්තට දක්කනවා පමණක් නොව රජය විශාල වශයෙන් බදු ආදායමද නැති කර ගනී.
පොල් රා මැදීම
තල් රා මැදීම
කිතුල් රා මැදීම
එමෙන්ම රා නිෂ්පාදනය දිරිමත් කිරීමට කටයුතු නොකර රජයෙන් බලපත්‍ර ලබාගෙන සීමිත ප්‍රමාණයක් (පොල්, තල්, කිතුල් ගස් කිහිපයක පමණක්) රා පෙරීමට බලකිරීම ඉතා අසාධාරණ ක්‍රියාවකි. රා අතිශයින්ම අහිංසක පානයකි. එය දේශීය නිෂ්පාදනක් නිසා විදේශ විනිමය වැය වීමක්ද නොමැත. ඒ නිසා රජය කළයුත්තේ රා නිෂ්පාදනය, බෙදාහැරීම සහ විකිණීම දිරිමත් කිරීමයි. බලපත්‍ර ලබාගැනීමේ විහිළුව සම්පූර්ණයෙන්ම සහ වහාම නතර කළයුතුය. යම් වයස සීමාවක් (අවුරුදු 18) දක්වා අයට මේ කිසිම මත්ද්‍රව්‍යක් භාවිතා කිරීම තහනම් කිරීම වැනි නීතියක් පමණක් ප්‍රමාණවත් වේ. ඒ සමගම රා නිෂ්පාදන ක්‍රියාවලිය ප්‍රමිතිගත කිරීම සුදුසු වන්නේ රා වලට ඩිස්ප්‍රින් දැමීම වැනි දේ සිදුවන නිසාය.
පොහෝ දිනයක පහන් දල්වන බැතිමතුන්
පොහෝ දිනවල නීත්‍යානුකූල මත්පැන් විකිණීම තහනම් කිරීමද මෙවැනිම ගොංපාට් එකකි. සැබවින්ම සිදුවන්නේ කළුකඩ මිලකට රහසිගතව මත්පැන් (සමහරවිට නිවාඩු දවසක් නිසා වෙනදාටත් වඩා) විකිණීමයි. අනික විදේශ සංචාරකයන් මෙරටට පැමිණෙන්නේ බුදුන් වැඳීමටවත්, සිල් ගැනීමටවත්, භාවනා කිරීමටවත් නොවේ. (එසේ පැමිණෙන අය සිටියත් එය නොසැලකිය හැකි තරම් කුඩා සංඛ්‍යාවකි.) අනික බුදුදහම කියන්නේ මෙවැනි ෂාරියා නීති සහිත දර්ශනයක් නොවේ. බුදුදහම කියා දෙන්නේ තමන් පාලනය කරගන්නේ තමන් විසින්ම විනා විවෘත කර ඇති මත්පැන් හලකින් නොවන බවයි. මත්පැන් බීම හෝ නොබීම තනිකර තමන්ගේ පුද්ගලික තීරණයකි. මෙය කියවූ විගස “ගරුතර” මහා සංඝරත්නය සහ ඊනියා සුචරිතවාදීන් මට යුද ප්‍රකාශ කරනු ඇත. එහෙත් මම මගේ මතය වෙනස් නොකරන අතර ඒ වෙනුවෙන් පෙනී සිටින්නෙමි.
මා මත්ද්‍රව්‍ය භාවිතය අනුමත කරන්නේ හෝ දිරිමත් කරන්නේ හෝ ප්‍රචාරණය කරන්නේ නැත. මා මේ සඳහන් කළේ සම්පූර්ණ මත්පැන් තහනම ( a blanket ban of liquor) නිසා ඇතිවිය හැකි ප්‍රායෝගික තත්වයයි. ඒ නිසා මේ කාරණයේදී මම මංගල සමරවීර ඇමතිවරයා සමග එකඟ වෙමි.
Nanda Wanninayaka 
It is enlightening to know that there are a few like-minded people around.There should be an age-related restriction in place to avoid underage gaining easy access to the stuff. Other than that, there should not be any restriction on that.
LikeLiked by 1 person
Agree with your views. Besides, there are so many bhantes who consume alcohol. Many years back I learned that all kinds of locally available alcohol are adulterated with kassippoo, methyl spirits, Bashudin and whatnot. Since then I have completely stopped drinking any alcohol sold in Ceylon, at any outlet. Of course when a friend or a relative occasionally brings a bottle from the West or Far East I relish the stuff. Ceylon drinkers are a stupid lot. Not only that they do not know how to drink. They drink and then drive, then quarrel. Like the absence of a motoring culture here there is no drinking culture at all. I appreciate your views on Bacchus who is not kind to populations in the 3rd world thst includes us as well.
LikeLiked by 1 person