T. M. G. චන්ද්‍රසේකර – රැවුලත් කැඳත් දෙකම බේරාගත් අපේ කාලයේ අපූරු මාධ්‍යවේදියා


T. M. G. චන්ද්‍රසේකර

මේ කෙටි සටහන තබන්නට සිතුවේ ජාතික රූපවාහිනියේ ප්‍රවෘත්ති අධ්‍යක්ෂ ලෙස සේවය කළ මෑතකදී විශ්‍රාම ගිය මාධ්‍යවේදියකු සිහිකිරීම සඳහා. නමින් T. M. G. චන්ද්‍රසේකර වුවත් අපි සැවොම ඔහුව හඳුනන්නේ TMG නමින්. රජයේ මාධ්‍ය ආයතනයක රැකියාව කරමින් රැකියාව සහ වෘත්තීය ගෞරවය දෙකම ආරක්ෂා කරගැනීම පහසු කටයුත්තක් නෙවෙයි. ඒත් TMG මේ දෙකම සමබර කරගත්තේ ඇතැම්විට බොහෝ දේවල් අවදානමට තබමින්.

ඔහුව අපි මුලින්ම හඳුනාගත්තේ ජාතික රූපවාහිනිය හරහා. ඉනුත් ඔහුගේ රුව සහ හඬ අප අතර මතක සිටියේ සජීවී සාකච්ඡා තුළින්. මගේ මතකය නිවැරදිනම් TMG අප මුලින්ම දැක්කේ තොරතුරු තාක්ෂණය එතරම් රටේ ප්‍රචලිත නොවූ කළෙක “අන්තර්ජාලය ඔබේ නිවසට” නම් ඉතාම සරල බසකින් ඔහු ඉදිරිපත්කළ වැඩසටහනින්. එකළ අපි අන්තර්ජාලය ගැන කිසිම දැනුමක් නැතිව සිටි අවධියක්. ඔහු ඉහත කී වැඩසටහන ඉදිරිපත්කළ සරළ සහ මිත්‍රශීලී බව නිසාම තරුණ වියේ තොරතුරු පිපාසයෙන් සිටි අප වැන්නන් පමණක් නොව සමාජයේ විවිධ පැතිකඩවලට අන්තර්ජාලය සමීප කිරීමට ඔහු දායක වූයේ චානුක වත්තේගම ප්‍රධාන කතෘත්වය දැරූ “විජය පරිගණක” හා සමානව දායකත්වයක්.

ඉන් පසුව අපිට TMG නැවතත් හමුවන්නේ ඔහු ජාතික රූපවාහිනිය හරහා එවකට ජනාධිපතිණිය වූ චන්ද්‍රිකා කුමාරතුංග මැතිණිය කිහිපවරක්ම සම්මුඛ සාකච්ඡාවට භාජනය කිරීමෙන්. ඔහු ප්‍රවීණ මාධ්‍යවේදී පාලිත පෙරේරා මෙන්ම උපක්‍රමශීලී ලෙස මතභේදයට ලක්වුණු කරුණු සම්බන්ධයෙනුත් ඇයව ප්‍රශ්න කළ අවස්තාවන් තිබුණා. එවකට තිබුණු මාධ්‍ය නිදහසේ සීමාවන් තුළ රැඳෙමින්, රජයේ මාධ්‍ය ආයතනයක් වන ජාතික රූපවාහිනිය තුළින් එවැන්නක් කිරීම තරමක අභියෝගයක්.

මුලිනුත් කී පරිදි රාජ්‍ය මාධ්‍ය ආයතනයක දිගු කාලයක් රැකියාව සහ වෘත්තීය ගරුත්වය රැක ගැනීම අප වැනි රටවල මාධ්‍යකරුවන්ට බියකරු සිහිනයක් බව අළුතෙන් කියන්නට ඕන නැහැ. මෙහි භයානකත්වය TMG අත්වින්දේ නොහික්මුණු කැබිනට් ඇමතිවරයකු වූ මර්වින් සිල්වා රූපවාහිනී පරිශ්‍රයට ඔහුගේ මැරයන් සමග බලෙන් කඩාවැදී TMGට ඉතාම නිර්ලජ්ජිත ලෙස පහරදුන් අවස්තාවේ. ඔහුට පහරදීමට හේතු වූයේ ඇමතිවරයා දේශපාලන වේදිකාවකදී කළ නරුම කතාවක් ප්‍රවෘත්ති ප්‍රකාශය අතරදී විකාශය නොකළ නිසා. මාධ්‍ය සදාචාරය ඉහළින් සලකන ඔහු වැන්නෙකුට එවැනි කතා විකාශය නොකර සිටීමට ශුද්ධවූ අයිතියක් තිබුණා. එම නින්දිත ප්‍රහාරයේදී රූපවාහිනියේ ලොකු කුඩා සැවොම ඔහුගේ පාර්ශවය ගෙන අදාල ඇමතිවරයාට ප්‍රතිප්‍රහාර එල්ල කළේ ඉන් ලැබිය හැකි භයානක ප්‍රතිපළද අමතක කරමින්.

TMG රූපවාහිනියට සම්බන්ධවුණේ 1995දී. ඔහු කැලණිය විශ්වවිද්‍යාලයේ දර්ශනය පිළිබඳ විශේෂ උපාධියක් ලබා පසුව එම විශ්වවිද්‍යාලයෙන්ම ජනමාධ්‍ය සම්බන්ධ උසස් උපාධිදරයෙක් ලෙසත් අධ්‍යාපනය ලැබුවා. පසුව ඔහු ටෙලිවිෂන් මාධ්‍යයේ විවිධ අංශවල ඔහුගේ නිර්මාණාත්මක හැකියාවන් උරගා බැලුවා. අවුරුදු 24ක අඛණ්ඩ, විශිෂ්ට සේවයකින් පසු රූපවාහිනියෙන් විශ්‍රාම ගිය ඔහු මේ වන විට ඔහු ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ සන්නිවේදනය සඳහා උපායමාර්ග පිළිබඳ විශේෂඥයකු වශයෙන් සේවය කරනවා.

රූපවාහිනිය TMG චන්ද්‍රසේකර ගැන කළ විඩියෝ වැඩසටහනක්

මට TMGව හමුවුණේ ඔහු මම සහ මගේ සිසුසිසුවියන් කිහිප දෙනෙකු 2002දී ඔහු සමග කළ සජීවී රූපවාහිනී සාකච්ඡාවකදී. එහි වීඩියෝ දර්ශන කිහිපයක් පහත දැක්වෙනවා.

1. First Live TV Talk show by Horizon Lanka kids in 2003
2. First Live TV Talk Show of Horizon Lanka kids in 2003
3. First Live TV Talk show by Horizon Lanka kids in 2003
4. First Live TV Talk show by Horizon Lanka kids in 2003
5. First Live TV Talk show by Horizon Lanka kids in 2003
6. First Live TV Talk show by Horizon Lanka kids in 2003
7. First Live TV Talk show by Horizon Lanka kids in 2003
8. First Live TV Talk show by Horizon Lanka kids in 2003
9. First Live TV Talk show by Horizon Lanka kids in 2003
10. First Live TV Talk show by Horizon Lanka kids in 2003
12. First Live TV Talk show by Horizon Lanka kids in 2003
14. First Live TV Talk show by Horizon Lanka kids in 2003
15. First Live TV Talk show by Horizon Lanka kids in 2003
17. First Live TV Talk show by Horizon Lanka kids in 2003

18. First Live TV Talk show by Horizon Lanka kids in 2003

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.